FESTIVAL DE CINE ASTURIANU

miércoles, 21 de noviembre de 2012

FESTIVAL DE CINE ASTURIANU - PALMARÉS 2005 - 2013






PREMIOS DEL FESTIVAL DE CINE ASTURIANU



AÑO 2005


- 7337 (Sergio G. Sánchez)

- Lencería de ocasión (Teresa Marcos)
- Asunción Balaguer (El beso de la tierra)
- Paul Naschy (El corazón delator)
- José Maniega (Imaxe accidental)
- Sergio G. Sánchez (7337)
- GIL PARRONDO

AÑO 2006

- Hestoria d’un vezu (Santos Hevia)
- Por estar contigo (Teresa Marcos)
- Montse Mostaza (Por estar contigo)
- Carlos Chamarro (Por estar contigo)
- Alberto Pardo (Entaína)
- Teresa Marcos (Por estar contigo)
- Lluvina (Xuan Lluís Ruiz)
- MARY PAZ PONDAL

AÑO 2007

- Matar el tiempu (Santos Hevia)
- Ricardo piezas descatalogadas (Carlos y Carmen Rico)
- La noche del escorpión (Eva Lesmes)
- Mariola Ruiz (Último tren a Tahití)
- Guillermo Vallverdú (Último tren a Tahití)
- Carlos Navarro (Último tren a Tahití)
- Carlos y Carmen Rico (Ricardo piezas descatalogadas)
- Suena’l camín (Lluna llena prod.)
- JUAN GONA

AÑO 2008

- Espresionista (Pablo de María)
- La reconversión de las gaviotas (Alberto Rodríguez de la Fuente)
- Dama de Porto Pim (José Antonio Salgot)
- Lola Herrera (A golpe de tacón)
- Antonio Resines (Dama de Porto Pim)
- José Antonio Salgot (Dama de Porto Pim)
- Asturian-us (Luis Argeo)
- GONZALO SUÁREZ

AÑO 2009

- Dos Sabios (Rocío García)
- Polillas (Pedro Touceda)
- Belén Rueda (El orfanato)
- Gonzalo de Castro (La torre de Suso)
- Sergio G. Sánchez (El orfanato)
- José Antonio Bayona (El orfanato)
- La torre de Suso (Tom Fernández)
- Voces en imágenes (Alfonso S. Suárez)
- LILIÁN DE CELIS

AÑO 2010

- Vencíu (Santos Hevia)
- Sin cobertura (Iñaki Ibisate)
- Clara Segura (Cenizas del cielo)
- Celso Bugallo (Cenizas del cielo)
- José Antonio Quirós (Cenizas del cielo)
- Cenizas del cielo (José Antonio Quirós)
- Tom Zé, astronauta liberado (Ígor Iglesias)
- JUAN JOSÉ OTEGUI

AÑO 2011

- Puntu (Eva Gallego)
- Días perdidos (Senén Fernández)
- Almudena Gallego (Anorexia)
- Jesús Pardo (Días perdidos)
- El horror de la dama del lago (Diego Vázquez)
- Concejo de Tineo naturaleza a la carta (HI-VIDEO)
- CARLOS BLANCO


AÑO 2013

- La mujer del hatillo gris (Luis Trapiello)
- Módulo 10 (Ángeles Cachón - Teresa Marcos)
- Machine wars (Juan Caunedo)
- Olga Montero (Un contrato extraño)
- David Cabal (Un contrato extraño)
- Un contrato extraño (Teresa Marcos)
- Sombra (Juan Caunedo)
- FRANK BRAÑA


PALMARÉS DEL 7u FESTIVAL DE CINE ASTURIANU


Días perdidos, Puntu y El horror de la dama del lago triunfen nel 7u Festival de Cine Asturianu






Los curtiumetraxes Días perdidos, de Senén Fernández y Puntu, d'Eva Gallego resultaron ser les obres premiaes na 7 edición del Festival de Cine Asturianu nes categoríes de Meyor Curtiumetraxe en castiellanu y n'asturianu respectivamente. La entrega de premios tuvo llugar el llunes 9 de mayu nel Atenéu de Madrid, llugar onde nació'l Festival de Cine Asturianu un 27 d'abril del 2005 pa celebrar el Centenariu del cine asturianu. Como meyor película premióse a L'horror de la dama del llagu, del avilesín Diego Váquez. Como meyores actores recibieron los premios Jesús Pardo, por Días perdidos y Almudena gallego por Anorexia. La productora Hi-Video recibió'l Premiu al Meyor Documental pol trabayu tituláu "Concejo de Tineo naturaleza a la carta" qu'entregó Gil Parrondo. El guionista y cineasta asturianu Florentino Soria entregó los premios al meyor curtiumetraxe en castiellanu y a la meyor película mentantu Gil Parrondo entregó los premios al meyor documental y curtiu n'asturianu. Los premios a los actores entrególos la directora y guionista Rocío García. Los xuraos nesta edición fueron los realizadores Teresa Marcos, Iñkli Ibisate y Ángeles Muñiz, premiaos y participantes n'anteriores ediciones del Festival. El Festival nesta edición rindió un homenaxe a los guionistes asturianos en concreto al gran Carlos Blanco (Xixón, 1917), onde se faló de les dificultaes y situación de los guionistes na industria del cine, repasando la trayectoria vital y cinematográfica de dos grandes guionistes asturianos como'l xixonés Florentino Soria, que cuntó y repasó tola so trayectoria nel mundu del cine yá qu'amás de guionista y profesor de la escuela oficial de Cine foi presidente de la Filmoteca Hespañola y de Raimundo García, director amás de dos películes, que llueu d'emponderar mui positivamente'l llibru de Xaviel Vilareyo presentáu faló de la relación a vegaes difícil de los guionistes y los directores según la so propia esperiencia. El Festival presentó en Madrid el llibru "Historia del cine asturianu" de Xaviel Vilareyo que tuvo mui bona acoyida. A la Gala d'Entrega de Premios asistieron los nominaos y otres personalidaes del mundu del cine y la televisión como los yá citaos Florentino Soria, Gil Parrondo, Raimundo García, María Casal, Lola López, Javier Longas, Rocío García, Miguel Losada y Alfonso Suárez.

El Festival de Cine Asturianu presentó en Madrid el pasáu 9 de mayu de 2011 el llibru "Historia del cine asturianu" de Xaviel Vilareyo que tuvo mui bona acoyida. La presentación del llibru tuvo llugar dientro de los actos d'entrega de Premios al qu'asistieron los nominaos y otres personalidaes del mundu del cine y la televisión como los yá citaos Florentino Soria, Gil Parrondo, Raimundo García, María Casal, Lola López, Javier Longas, Rocío García, Miguel Losada y Alfonso Suárez. El llibru, presentáu por Raimundo García ye un percorríu ilustrativu per tola historia del cine asturianu dende la llegada del cine a Asturies onde l'autor recueye datos inéditos per primer vegada yá que ye'l primer llibru onde se recueye dafechu la historia del sétimu arte asturianu.

PALMARÉS DEL 6u FESTIVAL DE CINE ASTURIANU


6u FESTIVAL DE CINE ASTURIANU



El 6u Festival de Cine Asturianu escomencipió en Xixón el 22 de febreru del 2010 cola presentación de los nominaos a los Premios, actu nel que darréu se fizo la presentación nesta ciudá del llibru Historia del cine asturianu. L’actu tuvo llugar na Biblioteca de Xixón, llugar onde se ficieron en 1896 les primeres proyecciones de cine na ciudá.
Los curtiumetraxes Vencíu, de Santos Hevia y Sin cobertura d’Iñaki Ibisate resultaron ser les obres ganadores del 6u Festival de Cine Asturianu celebráu nel Teatru Filharmónica d’Uviéu los díes 23 y 24 de febreru, nes categoríes de Meyor Curtiumetraxe n’asturianu y en castellanu respectivamente. Como Meyor Película el premiu foi pa Cenrades del cielu del realizador José Antonio Quirós, una valiente realización sobre los problemes de contaminación d’una central térmica asturiana que tamién llevó otros premios al Meyor Guión, dirección y actores que recayeron en los sos protagonistes, l’actor gallegu Celso Bugallo y l’actriz catalana Clara Segura. El Premiu al Meyor Documental foi pa Ígor Iglesias por Tom Ze, astronauta llibertáu, un trabayu sobre esti peculiar músicu brasileñu y los conciertos que llevó alantre n’Asturies. El Premiu d’Honor del Festival, Juan José Otegui repasó nel escenariu del Filharmónica la so trayectoria nel mundu del cine entregando los premios principales del Festival.

Los premios entregáronse nuna Gala de Pieslle celebrada’l 24 de febreru, gala presentada por Pepa Martínez y Xavi Vilareyo, y na que tamién actuó el gran DiCarlo y los Ballets Baidán. El gran showman DiCarlo interpretó trés temes del so repertoriu na Gala de Pieslle del 6u Festival de Cine Asturianu el pasáu día 24 de febreru nel Teatru Filharmónica d’Uviéu. El primeru d’ellos foi un homenaxe a la ciudá de París, bierzu del cinematógrafu, con un tema que yá interpretara la célebre Josephine Baker. Llueu interpretó un tema de l’actriz y cantante Esperanza Roy pa terminar la Gala con una pieza dedicada a Juan José Otegui, presente nel actu, sobre’l teatru, tema que Pedro Almodóvar amestó como banda sonora d’una de les sos películes: Lo tuyo ye puru teatru, de la cantante mexicana La Lupe.

L’actor Juan José Otegui recibió’l Premiu d’Honor nel escenariu del Filharmónica durante la Gala de Pieslle del Festival, onde anunció la so retirada de los escenarios. El veteranu actor, nacíu n’Uviéu en 1936, ye ún de los actores míticos de la escena teatral y cinematográfica n’Hespaña. Entamó nel Teatru Universitariu d’Uviéu debutando en 1968 nun curtiumetraxe de José Luis García Sánchez tituláu Pólipos nes trompes. Dende entós la so filmografía ye mui llarga: Del amor y otres soledaes, Asesinatu nel comité central, Tiempu de silenciu, El vuelu de la palomba, Belle epoque, La bicicleta y tamién nes recientes producciones de Pedro Almodóvar como Tacones llonxanos, La flor del mio secretu y Too sobre mio madre. Nesti añu de 2010, Juan José Otegui anunció la so retirada de los escenarios, llueu d’una llarguísima y destacada carrera como actor.

Los xuraos d’esta 6a edición del Festival de Cine Asturianu fueron: la directora Teresa Marcos, premiada en dos ediciones del Festival, la directora artística Carmen Castañón, la funcionaria d’educación Laura Lamadrid y l’actor José Antonio Lobato.

Palmarés del 5u FESTIVAL DE CINE ASTURIANU


Polillas y La torre de Suso ganen nel 5u Festival de Cine Asturianu






Polillas, el curtiu del asturianu Pedro Touceda y la película La torre de Suso, de Tom Fernández fueron les obres ganadores nel 5u Festival de Cine Asturianu na edición del añu 2009 según los premios del xuráu oficial, compuestu n’esta ocasión por Illán Gonzali, Ana Cárdenas y Sara López. El curtiu ”Dos sabios” de Rocío García, rodáu en Les Caldes d’Uviéu, recibió’l premiu al Meyor Curtiumetraxe n’asturianu. Belén Rueda y Gonzalo de Castro recibieron los premios a los meyores actores, por El güerfanatu y La torre de Suso respectivamente. El meyor guion foi pa Sergio G. Sánchez por El güerfanatu y la meyor dirección foi pa José Antonio Bayona por El güerfanatu. El Meyor Documental foi pa Alfonso Suárez por “Voces en imágenes” y el Premiu d’Honor entregóse-y a l’actriz y cantante parraguesa Lilián de Celis. Na Gala de Pieslle también ufiertó un conciertu l’artista Celia González que cantó dellos temes a la zanfona acompañada del dulcimer Hervé Perrochon. Llueu de la Gala, el Grupu Teatru de Güeñu estrenó la obra de teatru “El misteriu del pelu roxu” orixinal de Xaviel Vilareyo, colos actores Elena García, Moisés Díaz y Álvaro Santovenia. El Ballet Baidán, que dirixe Amparo Villafruela, realizó una coreografía sobre un tema de Tomás Bretón n’homenaxe a una de les películes de Lilián de Celis. El gaiteru Pelayu Cuaya ufiertó también un recital de gaita.Polillas (Pedro Touceda, 2007) ye un monólogu irónicu, una reflexón poética de ónde venimos y aú vamos. Andéi Ivanov ye un rusu que vive n’Hespaña qu’hai tiempu qu’entamó un personal viaxe n’automóbil. Pedro Touceda, fíu d’asturianos, ye director de curtiumetraxes, periodista y director del “Festival Iberoamericano de Cortometrajes ABC.es”.La torre de Suso (Tom Fernández, 2007) cuenta la historia de cuatro amigos que s’axunten llueu de la muerte d’otru amigu n’Asturies.Dos sabios (Rocío García, 2008) ye la puesta n’imáxenes del famosu cuentu de Leopoldo Alas del mesmu títulu.


Celia González ufiertó un recital de temes del so últimu discu “Cantoras ya bordones” nel Teatru Filarmónica d’Uviéu xunta’l tañedor de dulcimer Hervé Perrochon esti miércoles 8 d’abril del 2009. El recital tuvo llugar dientro de la Gala del Cine Asturianu. El conciertu foi un éxitu y terminó col públicu dando palmes a los sones de la voz y la zanfona de Celia qu’interpretó dellos temes del so últimu trabayu. Nesta Gala de Pieslle del 5u Festival de Cine Asturianu, Celia González amás entregó ún de los premios, el premiu al Meyor Documental al realizador Alfonso Suárez.

PALMARÉS DEL 4u FESTIVAL DE CINE ASTURIANU


PALMARÉS DEL 4u FESTIVAL DE CINE ASTURIANU





Dama de Porto Pim y La reconversión de las gaviotas triunfen nel 4u Festival de Cine Asturianu


La película de José Antonio Salgot, Dama de Porto Pim recibió cuatro premios del 4u Festival de Cine Asturianu que tuvo llugar esti miércoles 2 de xunetu nel Auditoriu del Atenéu de Madrid onde s’entregaron los premios del xuráu del Festival. A la Gala d’entrega de premios acudió tamién l’actriz Lola Herrera que recibió’l Premiu a la Meyor Actriz por un papel nel curtiu A golpe de tacón de la realizadora Amanda Castro. El Premiu al Meyor actor foi pa Antonio Resines por Dama de Porto Pim. Esta película recibió tamién los premios al meyor guión, a la meyor dirección (José Antonio Salgot) y a la Meyor Película. El Premiu al Meyor Curtiu n’Asturianu foi pa Espresionista, de Pablo de María, una hestoria inspirada nos cuadros de Van Gogh y el Meyor Curtiu en Castellanu foi pa La reconversión de las gaviotas, un curtiu d’Alberto Rodriguez de la Fuente sobre la emigración de los mozos asturianos que tienen que marchar fuera pa buscar trabayu. El Premiu al Meyor Documental foi pa Asturian-US del realizador Luis Argeo, sobre los descendientes de la emigración asturiana a los Estaos Uníos. A la Gala asistieron personalidaes del mundu del cine como’l realizador asturianu Raimundo García, la directora Rocío García Campelo que foi presidenta del xuráu oficial, l’actor Carmelo Gómez, l’actriz Mary Paz Pondal y el premiu d’honor d’esta edición del certame, el realizador Gonzalo Suárez (Oviedo, 1934) que recibió un homenaxe a la so obra cinematográfica comenzada nel añu 1966 col curtiumetraxe Ditirambo vela por nosotros qu’escomenzó el nomáu Nuevu Cine.



Palmarés del 3r Festival de Cine Asturianu

Palmarés del 3r Festival de Cine Asturianu


Los mediumetraxes Ricardo piezas descatalogadas de los directores naviegos Carlos y Carmen Rico y Último tren a Tahití del ovetense Carlos Navarro resultaron ser les obres ganadores d'esta tercer edición del Festival de Cine Asturianu celebrada n'Uviéu y que concedió los sos premios, los Fruteros de Cristal na Gala celebrada esti 4 d'abril nel Teatru Filarmónica. El Premiu al Meyor Curtiumetraxe n'Asturianu foir pa Matar el tiempu de Santos Hevia, un gran trabayu sobre la soledá nel mundu rural astur. El premiu al Meyor Documental foi pa Suena'l Camín de Producciones Lluna llena que reflexa un panorama críticu y actual de la música asturiana. Los dos actores mozos de Último tren a Tahití, Mariola Ruiz y Guillermo Vallverdú, recibieron los premios del xuráu a les meyores actuaciones y el premiu al meyor guion concedióse-y a Carlos Navarro por esta historia de desamor de Último tren a Tahití. El premiu a la Meyor Dirección foi pa los hermanos Carlos y Carmen Rico por Ricardo piezas descatalogadas, una gran realización sobre'l mundu d'un gayasperu taxista y de la xente que lu arrodia. La gran derrotada nesta edición del Festival foi El Último alquimista, una grandiosa producción del ovetense Nicolás Caicoya ambientada na guerra de l'Alemaña nazi y na búsqueda de la bomba atómica. El premiu a la Meyor Película foi pa La noche del escorpión, d'Eva Lesmes, un magníficu guion basáu en fechos reales acontecíos en Xixón nos años setenta inspiráu na novela L'aire les castañes del escritor Vicente García Oliva. El Premiu d'Honor ye pal productor morciniegu Xuan Gona por tola so trayectoria d'apoyu al cine y a los cineastes d'Asturies.
El xuráu del Festival nesta tercer edición tuvo formáu polos directores y guionistes Alfonso Suárez, Ángeles Muñiz, Robertu Bernabéu, pol actor José Antonio Lobato y por Laura Lamadrid.




PREMIU D'HONOR: JUAN GONA
MEYOR PELÍCULA: LA NOCHE DEL ESCORPIÓN
MEYOR CURTIU N'ASTURIANU: MATAR EL TIEMPU
MEYOR CURTIU ASTURIANU NOTRA LLINGUA: RICARDO PIEZAS DESCATALOGADAS
MEYOR ACTOR: GUILLERMO VALLVERDÚ
MEYOR ACTRIZ: MARIOLA RUIZ
MEYOR GUION: CARLOS NAVARRO POR ULTIMO TREN A TAHITÍ
MEYOR DIRECCIÓN: CARLOS Y CARMEN RICO POR RICARDO PIEZAS DESCATALOGADAS.
MEYOR DOCUMENTAL: SUENA'L CAMÍN




TRAILER DEL 3r FESTIVAL DE CINE ASTURIANU:


http://www.youtube.com/watch?v=bXQiG8BUif0

PALMARÉS DEL 2u FESTIVAL DE CINE ASTURIANU


PALMARÉS DEL 2u FESTIVAL DE CINE ASTURIANU


Hestoria d'un vezu y Por estar contigo
triunfen nel Festivalde Cine Asturianu

13/04/2006

Hestoria d'un vezu, del director Santos Hevia y Por estar contigo, de la realizadora Teresa Marcos fueron les obres ganadores del segundu Festival de Cine Asturianu que se celebró n'Uviéu del 7 al 11 d'abril del 2006 y qu'entregó los sos Premios, los Fruteros de Cristal, nuna Gala de Pieslle nel Teatru Filarmónica. Por estar contigo de Deva Films recibió namenos que cuatro Premios del xuráu oficial: Meyor Curtiumetraxe Asturianu n'otra Llingua, Meyor Actriz (Montse Mostaza), Meyor Actor (Carlos Chamarro) y Meyor Dirección (Teresa Marcos). El Fruteru de Cristal al Meyor Curtiumetraxe n'Asturianu foi pa Hestoria d'un vezu, producíu por Kaos Film y Carré Noir. El Premiu al Meyor Guion foi pa Alberto Pardo por Entaína y el Premiu al Meyor Documental foi pa Lluvina, de Cinemastur Producciones. El Premiu d'Honor del Cine Asturianu foi pa l'actriz ovetense Mary Paz Pondal por tola so carrera artística na que destaquen unes 71 películes interpretaes. El 2u Festival de Cine Asturianu proyectó seis documentales, doce curtiumetraxes na sección oficial y trés estrenos en cine. Amás proyectó tamién les obres ganadores na pasada edición del Festival: Llencería d'ocasión y 7337. Na Gala d'Entamu actuó'l Grupu de Baile Aché-Nonaya d'Uviéu faciéndose llueu un pequenu homenaxe en recuerdu del director asturianu recién fináu Mario Menéndez y darréu presentóse la sección oficial de curtiumetraxes finalistes ante'l xuráu oficial presente na sala . La Gala de Pieslle celebróse'l martes 11 d'abril ante un abondosu públicu nel Teatru Filarmónica onde se fizo la ceremonia d'entrega de Premios del Festival y l'entrañable homenaxe a l'actriz ovetense Mary Paz Pondal. Na Gala de Pieslle, a la qu'asistieron ente otres personalidaes el delegáu del Gobiernu Antonio Trevín, el conceyal Javier Vidal, el presidente del xuráu David Rivas, el presidente d'ARDA José Braña, la directora de l'Academia de Baile Baidán Amparo Villafruela, los actores José Antonio Lobato, Antonio Castro, Cristian Medina, les actrices Pili Hevia, Marisa Vallejo, Martina Bueno y los realizadores Nacho Carballo, Alfonso Suárez, Javier Prada, Alberto Pardo, José Hernández, Alberto Arce, Roberto Bernabéu o Amanda Castro. Na Gala de Pieslle actuó'l Grupu de Baile Baidán, l'acordeonista André Buche, Ánxel Nava qu'entregó'l Premiu al Meyor Actor y la propia Mary Paz Pondal qu'improvisó una maxistral interpretación qu'entamó col poema "Viva Uviéu" de Marcos del Torniello y que tamién proclamó'l Premiu a la Meyor Actriz. Los presentadores de les Gales d'Entamu y Pieslle fueron Yolanda Gil y Rubén Arias. El director del Festival, Xavi Vilareyo, adelantó que na próxima edición convocaráse'l Premiu a la Meyor Película. El Festival de Cine Asturianu nació en Madrid el 27 d'abril del 2005 cola intención de celebrar el primer Centenariu del Cine Asturianu al cumplise los cien años del estrenu de la primer película asturiana de ficción: El robo de fruta. Ye por ello que'l Festival de Cine Asturianu concede como máximu galardón unos modernos fruteros de cristal en recuerdu d'aquella primer película asturiana realizada en 1905 Xixón pol piloñés Javier Sánchez Manteola. Na primer edición del Festival Gil Parrondo y Rico recibió'l Premiu d'Honor del Cine Asturianu nel Auditoriu del Atenéu de Madrid siendo amás presidente del primer xuráu oficial. El Festival de Cine Asturianu presentará próximamente Hestoria d'un vezu, Por estar contigo, Entaína y Lluvina en Madrid y n'otres ciudaes y fairá homenaxes a Teresa Marcos, Alberto Pardo, Montse Mostaza y Carlos Chamarro.

Palmarés del I FESTIVAL DE CINE ASTURIANU 2005

El Festival de Cine Asturiano pieslla 
premiando a 7337 y Lencería de ocasión 


Asunción Balaguer y Paul Naschy obtienen tamién los premios del xuráu 

El FESTIVAL DE CINE ASTURIANO na so primer edición celebró la Gala de Pieslle esti vienres 17 de xunu del 2005 nel Salón d'Actos de la Biblioteca de Madrid Joaquín Leguina. La directora de la Biblioteca Dª Belén Llera dió la bienvenida al actu de presentación de los nominaos a les diferentes categoríes de la sección oficial del Concursu de Curtiumetraxes Asturianos y a la entrega de premios del xuráu del Festival. Durante la Gala de Pieslle del Festival proyectóse'l documental asturianu "El gnomo de la catedral" de Justo de la Cueva, 1942, película recién remasterizada y ficiéronse homenaxes a los actores Paul Naschy y Asunción Balaguer, premiaos pol xuráu como meyor actor y actriz del Festival. El palmarés completu del I Festival de Cine Asturiano quedó como sigue y presentaráse per primer vez n'Asturies el prósimu martes 19 de Xulio a les 20 hores nel Club de Prensa Asturiana d'Uviéu. El xuráu oficial d'esti I Festival tuvo formáu por Miguel Losada, Julio César Acera, Enrique Bocanegra, David Reznak, Ángel Guinda, Xosé Bolado, David M. Rivas, Xosé Nel Zurrón y como presidente d'honor del xuráu Don Gil Parrondo y Rico. El xuráu popular premió tamién a 7337 y a Lencería de ocasión de Sergio G. Sánchez y Teresa Marcos respectivamente como meyores curtios asturianos que se proyectaron al final del actu. La II edición del Festival de Cine Asturiano fairáse n'Uviéu l'añu que vien. 


PALMARÉS DEL I FESTIVAL DE CINE ASTURIANO: 

MEYOR ACTRIZ: Asunción Balaguer por El beso de la tierra. 
MEYOR ACTOR: Paul Naschy por El corazón delator. 
MEYOR GUION: José Maniega por Imaxe accidental. 
MEYOR DIRECTOR: Sergio G. Sánchez por 7337 
MEYOR CURTIU ASTURIANU EN CASTELLANU: Lencería de ocasión de Deva-Films- Pedro Costa 
MEYOR CURTIU N'ASTURIANU: 7337 de W-P producciones. 
PREMIU D'HONOR: D. Gil Parrondo y Rico.